| | Biografie
Liedjies skryf is in sy bloed. Op die jong ouderdom van 12 het Dewald alreeds sy eerste liedjie geskryf. Ná matriek het hy sy talent na die destydse Pretoria Technikon geneem en sy algemene bekwaamheid verder geslyp deur 'n diploma in vermaaklikheidstegnologie te verwerf.
Dubbeld gekwalifiseer, beide op papier en met louter talent, het hy die volgende vier jaar sy groep Wasserfall gelei, en twee albums, insluitende die treffers "Suikerbos" en "All About Me", vrygestel – onderwyl hy liedjies geskryf het vir sommige van Suid-Afrika se grootste sterre, soos Jay, Karlien van Jaarsveld, Bok van Blerk en Lianie May. "My grootste vyand is ek self," lag hy. "Ek kan nie stilsit nie. Wanneer ek nie slaap nie, hol ek rond en voeg verkieslik nuwe idees en kleure by my progressiewe musieksmaak."
Sedert 2010 bou Dewald aan 'n suksesvolle solo-loopbaan. Hierdie perfeksionis, professioneel tot die murg toe, het twee jaar lank aan sy langverwagte solo-debuut, 2012 se Vergeet Wat Jy Weet Van Liefde, saam met medeskrywers en tydgenote Johan Vorster en Ewald Coleske, gewerk. Beide die titelsnit, "Vergeet Wat Jy Weet Van Liefde" en die tweede single, "Eendag As Ons Groot Is" het die nommer 1 posisie op verskeie radiostasies reg oor die land bereik.
Tussen lewendige optredes is Dewald reeds besig om sy kreatiwiteit te wy aan die rofwerk vir sy volgende hoofstuk in klank, wat in 2014 die lig sal sien. "Ek is deesdae baie gefokus op my eie materiaal," vertel hy. "Soveel so dat ek gesnoei het aan die tyd wat ek deurbring om saam met vriende en medekunstenaars te skryf, en in die laaste tyd eerder daardie energie in my eie werk probeer inploeg." En om ’n bietjie selfsugtig te wees blyk om hom in die proses meer vrygewig te maak - sy waarderende aanhangers vind immers baat daarby.
Vergeet Wat Jy Weet Van Liefde is liries gelaai en melodies ryk, en trek steeds nuwe aanhangers aan elke keer wanneer Dewald die lang pad met sy musiek aandurf. 'n Bonus vir ou bewonderaars is die insluiting van die lewendige gunsteling, "My Hart Se Hongersnood", op die album. Karlien van Jaarsveld het ook haar stem tot die onmisbare applouswekkende snit gevoeg, wat dit tot ’n hele nuwe vlak van genot neem.
Die jaar 2013 is ook besig om vir Dewald baie goed uit te draai. "Ek’s trots Afrikaans," sê hy. Nadat hy by hierdie jaar se KKNK opgetree het voor sy grootste enkele gehoor ooit, is hy deeglik daarvan bewus dat daardie 5 000 mense nie net totaal toegewyd is aan waar hy vandaan kom nie, maar ook selfs nog meer belê in waarheen hy op pad is.
In April 2013 het hy ook die gesogte “Beste Nuweling” toekenning by die Ghoema Afrikaanse Musiektoekennings ingepalm. Hy is ook genomineer vir nie minder as drie Huisgenoot Tempo toekennings - Beste Nuweling, Best Kontemporêre Album en Beste Musiekvideo. Pop, rock, akoesties of melodies - elke beskrywing van Dewald Wasserfall se sterk punte, en hoe en waar hy sy musiek sien inpas, is allermins meer of minder gegrond op een spesifieke genre. "My materiaal is uniek," beklemtoon hy.
Wat Vergeet Wat Jy Weet Van Liefde selfs meer boeiend maak vir nuwe en jarelange getroues, is Dewald se aandag aan detail en sy fokus daarop om slegs die mees uitmuntende vervaardigingswaardes tot sy skeppings te voeg. "Kwaliteit is die sleutel," bevestig hy. "Gehore kan en moet krities en veeleisend wees. As 'n musiekliefhebber weet ek ék is, en dit is iets wat ek waardeer. Ek wil my beste werk lewer, elke keer, in antwoord daarop."
Om terwyl hy toer kennis te maak met die mense wat na 'n Dewald Wasserfall vertoning kom kyk, is een van die baie aspekte wat hy geniet, te midde van 'n leefstyl wat soveel vereis van kreatiewes. "Ja, ek bring baie tyd deur op toer," gee hy toe, "maar al is dit moeilik om ver van die huis te wees vir lang tye op 'n slag, stroom die beloning aand ná aand in. Ek kry soveel bevestiging, elke dag, dat wat ek doen mense aanraak - op 'n vlak wat my inspireer om vol te hou om die beste, mees genotvolle en onvergeetlike musiek moontlik te maak."
Aanhangers ondersteun Dewald, die wenner van vele toekennings en boonop onlangs getroud, steeds as 'n kunstenaar wat applous en bewondering verdien. "Ek weet nie mooi hoe ek doen wat ek doen nie," sluit hy af, "maar ek is ongelooflik dankbaar vir elke aspek van my lewe. Dit gee my die geleentheid om al die gunste wat aan my bewys is, terug te gee elke keer as ek opstaan om op te tree." | | | |
|
