Sunette Bridges is 'n Suid-Afrikaanse sangeres en die dogter van die legendariese sanger Bles Bridges. Sy is veral bekend vir haar politieke oortuigings
Diskografie
Let The Music Play, MARKON RECORDS
Gister, Vandag en Môre, 2007
Sprokie
Opskop treffers en ander, 2003 EMI
Kan Jy Dans?, 2003 CAPITOL
Dit Is My Lewe!, 2001 VAT VYF
Vrou Alleen
Bibliografie
Gister, Vandag en Môre: 'n Vrou Wat Gekies Het Om Met 'n Dapper Hart Te Leef, ISBN 1920156410, 2007.
Dozi (gebore Hendrik Opperman op 23 Maart1964) is 'n Suid-Afrikaanse sanger wat oor kultuurgrense bekend is vir sy Afrikaanse, Engelse en Zoeloe optredes. Van sy treffers sluit in: Ou Ryperd ('n heropname), Tussen Jou en My, Staan Net 'n Bietjie Stil en Maybe my Baby.
Dozi is gebore in Hluhluwe in Natal en het al op 'n vroeë ouderdom begin sing. In 1999 word sy eerste album, "Mercy", vrygestel. Die album is in Zoeloe opgeneem. Sy tweede album, "Op Aanvraag", word in 2001 in Afrikaans uitgegee.
Willem Botha is 'n Afrikaanse sanger en akteur. Botha is in 2004 as 'n wenner van die Plusster-talentkompetisie wat deur Die Burger aangebied word aangewys. In 2007 neem hy deel aan kykNET se Idols-reeks en word as naaswenner bekroon waartydens hy 'n platekontrak met Sony-musiek losslaan. Sy debuutalbum, Kô Ma Hier, is in 2007 uitgereik.In 2009 ontvang hy 'n Euro Ster-toekenning vir sy liedjie Dis alles 'n Miracle in die kategorie vir beste oorspronklike Afrikaanse liedjie.
Kurt Darren, gebore Kurt Johan van Heerden , is 'n bekende Afrikaanse sanger, liedjieskrywer en TV-aanbieder. Darren se debuutalbum, For Your Precious Love, is in 1995 vrygestel. In 2002 maak hy sy deurbraak in die Afrikaanse musiekbedryf met sy album Meisie Meisie.
Darren se musiek kan ook in Nederland en Vlaams België gehoor word, maar word meestal deur ander kunstenaars gesing. Sy liedjies "Staan Op", "Meisie Meisie", "Kaptein Span die Seile", "Af en Af" en "Bloubergstrand se Sonsak" (Nederlandse Vinzzent, Dromendans 2012) is voorbeelde hiervan.
In 2010 ontvang Darren twee SAMA-toekennings vir beste verkopers in die afdelings "true tone"-aflaaideuntjie vir "Kaptein" en vollengte-aflaaideuntjie vir "Af en Af".
Hy was vanaf 2006 tot 2011 die aanbieder van die gewilde TV-program Jukebox wat op kykNET en verskeie radiostasies gebeeldsend word.
Biografie
Darren is in Pretoria gebore en matrikuleer aan die Hoërskool Lyttelton Manor. Sy pa was Afrikaanssprekend en sy ma Engelssprekend. Kurt het al van jongs af in musiek belanggestel en het op skool aan verskeie musiekblyspele deelgeneem.
Na matriek is Kurt weermag toe om sy basiese opleiding in Walvisbaai te doen. As lid van die weermag se vermaaklikheidsgroep toer hy vir 'n jaar saam met hulle boereorkes deur die land. Daarna werk hy as 'n wildbewaarder in die Krugerwildtuin en tree as 'n toergids op. Hy werk ook in die boubedryf voordat hy besluit om voltyds te begin sing.
Darren is op 8 Januarie 2011 met Dunay Nortjé in die eg verbind.
Albums
For Your Precious Love (1995)
Kurt Darren (1997)
Just When I Needed You Most (1998)
Since I Found You (1999)
Net Jy Alleen (2001)
Meisie Meisie (2002)
Sê Net Ja (2004)
Staan Op (2004)
Vat My, Maak My Joune (2005)
Lekker Lekker (2006)
Voorwaarts Mars (2007)
Uit Die Diepte Van My Hart (2008)
Smiling Back At Me (2009)
Die Beste Medisyne (2009)
So 'n Bek Kort Jam (2009)
Met Liefde .. With Love, 20 Akoestiese liefdesliedjies, 2010 SELECT
Ray Dylan (Jacobus Frederik Jersich, gebore 15 Augustus1978 in Odendaalsrus) is 'n bekende Afrikaanse sanger. Van sy treffers sluit in Hokaai Stoppie Lorrie, Jessica, Breek die Ys en Asemloos.
In 2010 ontvang hy 'n SAMA-toekenning in die kategorie beste country-album (Afrikaans) vir Goeie Ou Country.
Joe Foster is 'n Suid-Afrikaanse liedjieskrywer, solosanger en lid van die mansgroep ADAM. Hy het verskeie trefferliedjies soos "Gebore om jou lief te hê", "Hartklop" en "Hart Se Volkslied" geskryf. Hy tree gereeld by musiekfeeste op en het onder andere by die Huisgenoot-Skouspel opgetree.
Beknopte biografie
Foster het reeds op agtjarige ouderdom in musiek begin belangstel. Op 13 skryf hy sy eerste liedjie en op 19 is sy eerste album, "Invisble Destiny" opgeneem (nie meer beskikbaar is nie). Na die opname van "Invisble Destiny" het hy 'n kwalifikasie in musiekvervaardiging en klankingenieurswese aan die SAE Technology College in Amsterdam in die Nederland verwerf. Met sy terugkeer het hy sy eie studio en platemaatskappy begin en het voltyds as 'n musiekvervaardiger gewerk, onder andere aan albums soos die van Karen Wessels se "Hoe Durf Jy".
In 2010 sluit hy as 'n voltydse lid van die groep ADAM aan. In November 2013 stel hy sy debuut-enkelsnit met die naam, "Pad Na Jou Hart" vry. Dit is die temalied van die gelyknamige rolprent, Pad na jou hart, waarin hy ook as akteur verskyn.
Steve Hofmeyr (gebore 29 Augustus1964 in Pretoria) is 'n Suid-Afrikaanse sanger, liedjieskrywer en akteur. Sedert 2006 is hy ook die gasheer van die kykNET-program Dis Hoe Dit Is met Steve.
Nadat hy in 1982 aan Grey-kollege in Bloemfontein gematrikuleer het, het hy twee jaar lank militêre diens in die weermag verrig, waarna hy by die Technikon Pretoria se dramaskool gestudeer het. Hier het hy in 1986 'n diploma in drama behaal. In 1998 het Hofmeyr met die aktrise Natasha Sutherland getrou; die egpaar het twee seuns, Sebastian (gebore op 13 Desember 2001) en Benjamin (gebore in 2003). Hulle is sedertdien geskei. Steve het weer geluk gevind en is in Januarie 2014 getroud met Janine.
Stamboom
Stephanus Johannes Hofmeyr is 'n afstammeling van die Hofmeyr-stamvader, Johann Heinrich of Jan Hinrick of Jan Hendrik Hofmeier of Hoffmeyer of Hofmeyr (1721–1806), se tweede oudste seun, Stephanus Johannes (1760–1826), 'n boer op die familieplaas Welgemeend in die Kaapse stadskom waarvan die herehuis nou aan die Hoërskool Jan van Riebeeck behoort. Stephanus Johannes se oudste seun was Jan Hendrik (1789–1862), 'n boer en wynkoper in Kaapstad. Sy vierde kind was ook Jan Hendrik (1818–1893), ook 'n boer op Welgemeend. Hierdie J.H. Hofmeyr se elfde kind, Stephanus Johannes (1859–1932), was eienaar en bestuurder van die perdebusdiens tussen Kloof- en Adderleystraat. Sy derde kind, Stephanus (Steve) Hofmeyr (1906–1944), was Steve Hofmeyr se oupa en 'n Rhodes-beurshouer asook medehoof van die Universiteitskorrespondensiekursusse in Pretoria. Steve se pa, Stephanus Johannes, is op 1 Junie1941 gebore en op 5 Mei1964 in Pretoria met Catharina Olivier (geb. 31 Maart1945) getroud. Steve is die oudste van hul vyf kinders, almal seuns.
Sy Suid-Afrikaanse voorsate is dus:
Jan Hendrik Hofmeyr (1721–1806)
Stephanus Johannes (1760–1826) (b2)
Jan Hendrik (1789–1862) (c1)
Jan Hendrik (1818–1893) (d4)
Stephanus Johannes (1859–1932) (e11)
Stephanus (Steve) Johannes Hofmeyr (1906–1944) (f3)
Hofmeyr se musiekloopbaan het reeds vroeg in sy lewe begin: hy het as jong seun in die kerkkoor gesing en reeds op elfjarige ouderdom begin om musiek te skryf.
In 1997 tree hy tot die internasionale musiekarena toe met die duet You Don’t Bring Me Flowers wat hy saam met die Belgiese superster Dana Winner vir sy album True to You opgeneem het. Hierdie snit is ook in Nederlands (Vroeger Bracht Je Bloemen) opgeneem en het die nommer twee-posisie in die Belgiese "Top 100" behaal. Alle kaartjies vir Dana en Steve se gesamentlike optredes op die verhoog in België en Suid-Afrika was uitverkoop. Een van Steve se eie liedjies was ook 'n treffer vir Dana in Europa
Steve Hofmeyr het in 2001 deur Suid-Afrika getoer met Beautiful Noise wat die lewe en musiek van Neil Diamond uitgebeeld het. Hy het in dié jaar ook sy DVD met dieselfde titel uitgereik. Die toer was 'n groot sukses met 224 konserte waarvan al die kaartjies uitverkoop was. Van die liedjies wat Hofmeyr self geskryf het, is 150 reeds deur Suid-Afrikaanse en internasionale kunstenaars opgeneem.
Digkuns
Hofmeyr het reeds drie digbundels geskryf, maar slegs een, Valkuns, is in 1997 deur Human & Rousseau gepubliseer. Oor dié bundels sê hy: "Ek het min illusies: hulle's nog ver van reg af". en "Ek’s nie 'n grootse digter nie. Hulle is eintlik maar net ekonomiese liedjies of gekondenseerde lui gedagtetjies!"
Toekennings
2003: ATKV Beste Onderhoud in 'n Tydskrifprogram: as onderhoudvoerder in die kykNET-reeks Dis Hoe Dit Is, wat in 2002 uitgesaai is.
2004: SAMA-toekenning vir die bes verkopende kunstenaar vir die album Toeka (165 000 eenhede verkoop).
2004 Solidariteit se "Grootste Bydrae tot Bevordering van Afrikaans"-toekenning.
2005 (GMT)Geraas-toekennings: Beste verkope in 2004 (vir die CD Toeka 2).
2005 (GMT)Geraas-toekennings: Liedjie van die jaar (Pampoen).
A Beautiful Noise - On a Hot August Night - The Music of Neil Diamond
Grootste Platinum Treffers
Toeka - Nag van die Legendes
Verwysings
↑(af)(en) Hofmeyr, W. Lou(w); Hofmeyr, Nico J.; Hofmeyr, S.M.; Hofmeyr, George S.; Hofmeyr, Johannes W. (samestellers). 1987. Die Hofmeyrs: 'n Familiegeskiedenis. Lynnwoodrif en Bloemfontein: Die Samestellers.
↑Oorspronklike Engelse aanhaling: "I have few illusions; they're far from ready..." vanaf Hands On Promotion - Steve Hofmeyr. Laaste besoek op 29 Augustus 2002.
Theuns Jordaan is 'n Suid-Afrikaanse sanger en liedjieskrywer. Hy sing liedjies wat hy self skryf, sowel as liedjies van bekende liedjieskrywers soos Koos du Plessis, Johannes Kerkorrel en David Kramer. Sy eerste twee albums het dubbelplatinumstatus verbygesteek. Saam met Karla du Plessis sing hy die lied "Wie weet" wat die temalied van die TV-program Jopie Adam was.
Lewe
Theuns Jordaan is op 10 Januarie1971 op 'n Karoo-plaas naby Venterstad, 30 km van Bethulie, gebore en grootgemaak. In sy matriekjaar aan die Hoër Volkskool Graaff-Reinet het hy sy liefde vir rugby met 'n kitaar begin deel. As kind is sy musiektalent in sy ouerhuis aangemoedig. Ná skool is hy weermag toe. Ná voltooiing van sy diensplig het hy Bedryfsielkunde aan die Universiteit van Stellenbosch gestudeer en 'n B.Ekon.-graad verwerf.
Jordaan was 'n inwoner van Majuba-manskoshuis, en dit was ook op Stellenbosch waar Theuns al meer begin sing het. Op 21 Oktober1992 het hy vir die eerste keer voor 'n gehoor in die kuierplek The Terrace opgetree met 'n paar rand en 'n pizza as enigste betaling.
Loopbaan
Sy moedertaal Afrikaans het by die Universiteit vir hom 'n passie geraak en hy het begin liedjies skryf, geïnspireer deur Koos du Plessis, Anton Goosen en David Kramer.
Met sy graad in die hand verruil Theuns in 1998 Stellenbosch vir Pretoria. Hy was vir 'n jaar entrepreneur. Johan Bakkes het hom gehelp om sy debuutalbum Vreemde Stad op Stellenbosch op te neem. Vyf van die snitte op die album, wat in 2000 by die Klein Karoo Nasionale Kunstefees baie suksesvol vrygestel is, is deur hom self geskryf. Daarna is 'n verbeterde opname van Vreemde Stad deur EMI-musiek her-vrygestel. Die album het in 2003 Trippel Platinumstatus (150 000 kopieë) verbygesteek om een van die suksesvolste debuut-albums nog ooit in Afrikaans te word met verkope wat reeds verby die 210 000-merk is.
Die langverwagte tweede album, Tjailatyd, is by Aardklop in 2002 bekendgestel, en ook hierdie album se verkope is reeds by bykans 220 000.
Die kitaarspeler Anton L’Amour begin gereeld saam met Theuns optree, 'n samewerking wat vandag nog deel is van Theuns se loopbaan. In November 2005 is Seisoen vrygestel, en hierdie keer was L’Amour in die regisseurstoel. Seisoen het ook vir rekordverkope gesorg met meer as 115 000 CD’s wat verkoop is. Theuns het dus met slegs drie albums verkope van meer as 500 000 behaal.
In 2007 het Theuns besluit om sy sewe jaar as professionele sanger op een album saam te vat. Grootste Treffers is in Maart vrygestel en het byna 85 000 tot op datum verkoop.
Op 28 Maart 2008 is Theuns en Juanita du Plessis se Bring Jou Hart op DVD vrygestel. Dit was 'n reuse sukses, en daar is ook 'n CD vrygestel. Die DVD se verkope was 105 000 en die CD s'n 'n rekordgetal van 120 000.
Theuns was nog altyd 'n groot aanhanger van die musiek van Koos du Plessis en in April 2009 is Koue Vuur vrygestel. Dit het binne twee maande platinumstatus behaal met verkope wat tans op meer as 100 000 staan.
2012 was 'n groot jaar vir Theuns. Nie net het hy sy vyfde solo-CD, Roeper, vrygestel nie, maar hy en Juanita het weer saamgewerk op Hart Vol Drome.
Roeper was een van 2012 se grootste verkopers en het lank op die topverkoper-lyste van platewinkels en programme soos RSG se Top 20 en DKNK geboer. Die handvol Ghoema-toekennings wat die album in April 2013 gewen het – onder meer vir album van die jaar – het beteken dat dit later die maand wéér op RSG se Top 20 was. Die verkope van die album is verby die 125 000-merk en ook kritici het die album geloof as een van die beste die afgelope tyd.
Theuns is met sy diep rasperstem nie net 'n uitstekende sanger nie, hy het ook deur die jare sy staal as liedjieskrywer gewys. Verskeie groot treffers – Soos Bloed, Jou Asem, Roeper van My Hart en Net Voor die Storm Kom – is uit sy pen.
Groot sukses in 2013
2013 was 'n groot jaar vir Theuns Jordaan met sy album Roeper wat verskeie pryse ingeryg het. By die Ghoema-toekenningsaand vroeg in 2013 het Theuns vyf toekennings gewen – album van die jaar, beste kontemporêre manskunstenaar, beste albumverkoper én beste DVD vir Hart Vol Drome saam met Juanita du Plessis. Theuns het ook die Diamantprys vir totale verkoopsyfers van meer as 1 miljoen ontvang. By die Sama-toekennings in Mei van dié jaar het hy twee pryse gewen – een vir die beste Afrikaanse kontemporêre album (vir Roeper) en ook die groot prys van die jaar, dié van topverkoper album in Suid-Afrika. By die Tempo-toekennings het hy die topverkoper mans-album vir die jaar gewen vir Roeper. Daarnaas het hy saam met Juanita du Plessis die toekenning gewen vir die topverkoper DVD vir Hart Vol Drome.
Diskografie
Theuns Jordaan het tot dusver sewe albums vrygestel:
Pieter Koen is 'n Afrikaanse sanger, voormalige Radio Rippel-omroeper en aanbieder van KykNET se gewilde musiekprogram op Saterdagaande, Jukebox. Van sy treffers sluit in: Skud Jou "Biscuit", 3 Susters van Drie Susters en Tattoo.
Nicholis Louw (gebore 30 Desember1979) is 'n bekende Afrikaanse pop- en operasanger. Sy solodebuutalbum, My Hart Is Aan Die Brand is in 2003 deur Select-musiek uitgegee. Van sy treffers sluit in Ek Wil My Baby Hê Vanaand, Rock Daai Lyfie en Generaal.
Louw is op 12 Julie 2014 met Denise Shrewsbury getroud.[1]
Lianie May is 'n Afrikaanse sangeres. Haar regte naam is Lianie Oosthuizen, en haar musiek klink baie soos dié van Shania Twain en Dolly Parton.
Lianie is op 2 Augustus1976 in Vereeniging gebore, en het in Oranjeville grootgeword. Sy matrikuleer in 1994 aan die Afrikaans Hoërskool Sasolburg.
Na 'n optrede van Eden in Oranjeville het Lianie vir hulle ‘n oudisie in 'n kleedkamer gedoen. Johan Vorster en Sean Else het haar toe genader om by Mozi-rekords aan te sluit, waarna sy haar debuut CD in 2007 uitgebring het.
Haar liedjie Pretoria was vir 'n geruime tyd op Radio Rippel se top-20
MoniQue is 'n Afrikaanse sangeres en klavierspeler. Tydens die eerste Suid-Afrikaanse Idols-seisoen het sy onder die top-50 deelnemers geëindig. Haar debuutalbum, Ek val vir jou is in 2010 uitgereik. Haar debuutliedjie Sê My Hoe is ook op die CD Die Grootste Afrikaanse Sokkie Vol. 7 asook op die DVD 30 Goue Sokkie Treffers beskikbaar.
In 2010 maak sy opslae deur die World Peace Song Festival-sangkompitisie met haar liedjie This Time I Know It's For Real te wen. Daardeur het sy die eerste Suid-Afrikaner geword wat ooit die eerste plek in die kompetisie ingepalm het.
Andriëtte Norman (17 Oktober1987-) beter bekend as Andriëtte is 'n Afrikaanse sangeres. Sy het al verskeie kere tydens KKNK en Huisgenoot-Skouspel opgetree. Van haar treffers sluit in: Napoleon (geskryf deur Steve Hofmeyr), Dinge en Sewe Oseane (wat geskryf is deur Rudi Claase), Storm in my hart en Dink aan my.
Norman is in 2007 aangewys as die naaswenner in die Suid-Afrikaanse TV-sangkompetisie Idols] Haar debuutalbum, Diamant is in 2008 vrygestel. In 2009 palm sy 'n Vonk-prys vir Beste Kontemporêre Vroulike album in. Haar tweede album, Dink Aan My is in 2009 uitgegee en haar derde, Vat My Hoër in 2011. In 2014 ontvang sy 'n Ghoema-Toekening in die kategorie Beste Kontemporêre Vroulike album vir die album Wat Rym Met Liefde.
Diskografie
Idols Season 4: Love Is All Around (2007)
Love Is All Around
Over The Rainbow
Diamant (2008, haar eerste CD)
Hey Daar
Black Velvet
Sê Dit Weer
Neem My Op Vlerke
Hoekom Bly Jy Staan (Napoleon)
Diamant
Nou dat jy weg is
Ek en jy
You needed me
Hart se punt
Storm in my hart
Be-ba-be-lula
Chick keurspel (I love rock 'n roll, Fire, She's in love with you en If you can’t give me love.)
Dink Aan My (2009)
Dink aan my
Kom haal my
Rock my weer
Kom ek wys jou hoe liefde voel
Stolen Moment
Voor jy gaan slaap
Sonder woorde
Wens jy was nou hier
Saam met jou
Songbird
Smile vir my
SA keurspel (Special star, Jabulani, Vuli ndlela en Dance sum more.)[4]
Haar liedjie, Hoekom Bly Jy Staan (Napoleon) is deur Steve Hofmeyr geskryf. Die liedjie se refrein lui as volg:
Napoleon sou 'n wit vlag hys
'n Gentleman sou huis toe gaan
Die Pous sou jou sê jy's wys
Maar my liefling, hoekom bly jy staan
Die president sou op CNN; sy goedjies pak en huis toe gaan De Wet sou Fleur (sy perd) omdraai
Maar my liefling hoekom bly jy staan,
ag my liefling hoekom bly jý staan.
Gerhardus Pieter (Gerhard) Steyn (gebore op 27 November1976) is 'n bekende Afrikaanse sanger en liedjieskrywer. Hy is in 2006 aangewys as die Vonk-liedjieskrywer van die jaar. Met sy liedjie Baby Tjoklits, wat hy self sing, verower hy die 2009 Vonk-prys vir liedjie van die jaar. Die liedjie is ook deur Radio Rippel se luisteraars as die liedjie van 2009 aangewys.[1][2]
Adam Tas (gebore 25 Augustus1981 in Pretoria) is 'n Afrikaanse sanger en liedjieskrywer. Van sy treffers sluit in Van 'n druppel tot 'n brander, Ben Bicycle, Jantjie Koggelman en Harry Potter. Meer onlangs Is dit hoe sy hemel lyk, en sy nuwe treffer Die huis waar stilte woon.
Diskografie
Man van Stof, 2012
Storm van Liefde, 2010 SELECT
Ben Bicycle, 2008 RAMKAT
Springbok Radio, 2006 EMI
My Memories In 'n Menthol, 2004 EXALTATION/BOWLINE
Elizma Theron is 'n Afrikaanse sangeres en aktrise. Sy is in Bethlehem in die Vrystaat gebore, maar het haar skoolloopbaan in Kuruman, Noord-Kaap begin en voltooi. Sy het ook in KykNET se sepie, Villa Rosa gespeel. Haar liedjie "Lapaside" was vir verskeie weke die nommer een-treffer op MK89.
In Maart 2006 kom die album "Jy praat nog steeds my taal" deur Bok van Blerk en die Mossies uit. Dieselfde album word in Oktober 2006 weer uitgereik, hierdie keer onder die naam De La Rey, en met die kunstenaar nou slegs as Bok van Blerk aangegee. Volgens Van Blerk is die Mossies verwyder aangesien sy medesanger, Tanya van Graan, te besig was met modelwerk. Van Blerk word begelei deur Jaco Mans (asook somtyds Manie van Niekerk) op hoofkitaar, Francois Coetzee op bas-kitaar en Natan Smit as drommer.
Op 6 Februarie 2007 het die Suid-Afrikaanse departement van kuns en kultuur 'n verklaring oor die liedjie De la Rey uitgereik. Die stap het gevolg op omstredenheid wat ontstaan het rondom die liedjie as gevolg van die gewildheid daarvan in regse kringe waar dit geïnterpreteer word as 'n oproep tot gewapende stryd. By van Van Blerk se konserte het van die toeskouers ook die ou Suid-Afrikaanse vlag en die Vierkleur rondgeswaai. In 'n Huisgenoot-artikel het die tydskrif minister Pallo Jordan gevra om kommentaar te lewer op die liedjie en die boodskap wat daarin gelees word. In die verklaring spreek die ministerie sy kommer uit dat die liedjie deur regse elemente gekaap kan word, maar wens die sanger egter voorspoed toe met die liedjie. Die minister verklaar ook dat hy nie 'n probleem het met protes of die mobilisering van opposisie nie so lank dit binne die raamwerk van die wet plaas vind.
Van Blerk self sê dat hy nie hom nie vereenselwig met die ou landsvlag nie en dat hy nie daarmee geassosieer wil word nie. Hy beywer hom egter wel vir Afrikaans en het byvoorbeeld geweier om deel te neem aan die radiostasie 94.7 Highveld se musiekkonsert as gevolg van die radiostasie se beleid om geen Afrikaanse musiek te speel nie. Hy maak dit ook duidelik dat hy nie met die Boeremag saamstem nie en dat hy nie glo dat geweld 'n oplossing vir Afrikaners se probleme is nie en wys daarop dat generaal De la Rey ten gunste van vrede was.Koos Kombuis wys ook daarop dat Van Blerk se rugby-liedjie oor die bruin rugbyspeler, Bryan Habana, handel.
Op 19 Februarie het die Van Blerk die prys vir beste video gewen vir die De La Rey video in die eerste MK-toekennings.
Tydens die 2010 SAMA-toekennings word Van Blerk se album Afrikanerhart aangewys as die beste verkoper vir 2009.
Diskografie
Van Blerk se albums:
De La Rey (Jy praat nog steeds my taal) (2006, Mozi)
Robert Albert Wessels (gebore 30 Oktober1980 op Kroonstad) is 'n bekende Afrikaanse sanger en akteur. Hy is in 2005 deur Huisgenoot aangewys as Beste Nuweling in die Afrikaanse Musiekbedryf, en in 2006 is sy liedjie Leeuloop deur Huisgenoot aangewys as die Liedjie van die Jaar.
Biografie
Wessels is op 30 Oktober 1980 op Kroonstad gebore. Hy matrikuleer aan die Hoërskool Strand waarna hy drama aan die Technikon Pretoria (tans die Tshwane-Universiteit van Tegnologie) studeer. Hy verwerf sy diploma in 2002 waarna hy die vermaaklikheidswêreld aandurf. Kort daarna kry hy die geleentheid om die rol van Anton in RSG se radioverhaal Blinkwater te vertolk. Sy eerste televisierol was dié van Poena in die program Gauteng-alêng-alêng.
Karlien van Jaarsveld (21 Desember1985, Paarl) is 'n Afrikaanse sangeres. Haar debuutalbum, As die Gordyn Val, is in 2010 uitgereik. Sy was ook vroeër 'n lid van die rockgroep Revolusie, maar het teen die einde van 2008 daaruit bedank.
Biografie
Karlien van Jaarsveld is die oudste van drie kinders. Haar broer, Bobby van Jaarsveld, is ook 'n sanger.
Sy het in 2005 saam met Bobby van Jaarsveld begin optree as sy kitaarspeler en agtergrondsangeres. Sy het ook 'n duet saam met Bobby gesing op sy eerste album. Karlien het omstreeks 2006 besluit om haar eie koers in te slaan en het toe 'n rockgroep gestig, Revolusie. Sy was die stigter en hoofsangeres van dié groep. Rockmusiek was altyd in haar bloed en sy het die twee jaar saam met Revolusie beskou as 'n uitstekende leerskool.
Karlien het egter in Oktober 2008 besluit om 'n sololoopbaan te volg en het Revolusie verlaat.
Johan Vorster Songs het Karlien as kunstenaar ingeneem. Karlien se album “Jakkals Trou Met Wolf Se Vrou” is uitgereik. Twee video's is ook geskiet van “Beter as Liefde” en “Jakkals Trou met Wolf se Vrou”. Die album se verkope het platinumstatus bereik.
Karlien is getroud met die voormalige Springbok en Blou BulDerick Hougaard. Sy het einde 2013 die lewe geskenk aan tweelingseuns. Die liedjie "Daniël en Elija" op haar jongste album, My Hartjie, is aan hulle opgedra.
Pryse en benoemings
Karlien is in 2011 vir drie Huisgenoot Tempotoekennings benoem:
Beste nuweling,
Beste popalbum
Beste vroulike kunstenaar
waarvan sy beste nuweling gewen het.
Karlien is benoem in die Ghoema Toekenning vir die volgende kategorieë:
Beste vroulike kunstenaar;
Liedjie van die jaar vir “Jakkals Trou met Wolf se Vrou”,
Musiekvideo van die jaar vir “Jakkals Trou met Wolf se Vrou”,
Album van die jaar vir “Jakkals Trou met Wolf se Vrou”,
Beste popalbum vir “Jakkals Trou met Wolf se Vrou”. waarvan sy beste vroulike kunstenaar, musiekvideo van die jaar en beste popalbum gewen het.
Albums uitgereik
As die Gordyn Val
As die Gordyn Val is Van Jaarsveld se debuutalbum. Dit is in 2010 op CD vrygestel.
Jakkals Trou met Wolf se Vrou
Jakkals trou met Wolf se vrou (2011; Vinyl en CD) is 'n heruitreiking van haar eerste debuutalbum "As die gordyn val" met nuwe snitte daarop:
Jakkals trou met wolf se vrou
Beter as liefde
Ek wag nogsteeds vir jou
Sweet dreams
As die gordyn val
Daar's 'n storm
Feeverhaal
Sonder jou
Lief vir jou geraak
Rooi Ligte
Lief maar nie verlief
Van Jaarsveld hartedief
Soos jy dit doen
Ses Snare
Een laaste kans
Sê wat jy wil sê
Just like Jesse James
Halleluja
Uitklophou
Uitklophou (2013; CD & Vinyl). Die vinyl weergawe bevat nie die volgende snitte nie, "Ek wil nie kwaad gaan slaap nie.", "Uitklophou (met Eden)", "Alles behalwe jou hart", "Maybe Baby Vanaand" en "It's a Heartache."
Pieter van Jaarsveld is op 6 Maart1987 in Paarl, Suid-Afrika, gebore. Hy het die bynaam Bobby by sy pa gekry. Hy is die middelste van 3 kinders (sy susters is Karlien en Cara).
Bobby was in 7 verskillende laerskole, waarna hy sy hoërskoolloopbaan by die Hoërskool Brits begin en voltooi. Hier neem hy aan talentkompetisies deel en ontwikkel 'n liefde vir die musiekbedryf. Hy slaan sy eerste CD-kontrak in Graad 11 los, en sy eerste soloalbum word vroeg in sy matriekjaar uitgereik.
Hy is op 7 Januarie 2011 met sy skoolliefde, Annatjie Rheeders, in die eg verbind. Hulle het twee seuns, Sion (gebore 24 Oktober 2011) en Leben (gebore 20 Desember 2012).
Pryse
Bobby het tot op hede 'n reeks pryse ontvang vir sy bydrae tot Afrikaanse musiek.
Gerrie Pretorius is 'n bekende Afrikaanse sanger. Hy begin sy sangloopbaan in 2001 met die vrystelling van Annemarie my Skat, wat ook sy eerste platinum-album was. Hy het daarna verskeie ander albums uitgereik, waarvan verskeie platinum-status bereik het. Van sy treffers sluit in, Annemarie my Skat, Adio Amore en 7 Sondes.
Pretorius reik in 2007 'n album genaamd Ek sing vir jou Bles ter nagedagtenis van Bles Bridges uit. In Maart 2008 het hy saam met Dana Winner, as deel van haar Suid-Afrika Platinum Worldtour, deur Suid-Afrika gereis.
Pretorius het al verskeie kere in Nederland opgetree en ook 'n CD in die lae lande uitgegee, waarin hy 'n duet saam met Anny Schilder, 'n voormalige sangeres van BZN, sing.
Diskografie
Gister en Vandag, 2011
Musiek En Woorde / My Storie DVD, VONK MUSIEK
Alles Pas, MAROELA, 2009 (Goud)
Vriende Vir Altyd / Swing / Ek Sing Vir Jou Bles 3CD, 2009 MAROELA
My Storie DVD, 2009
Vriende Vir Altyd, MAROELA, 2008 (Goud)
Ek Sing Vir Jou Bles – Die DVD, MARANATHA, 2007 (Platinum)
Ek Sing Vir Jou Bles, MAROELA, 2007 (Platinum)
Gerrie Pretorius "LIVE" CD, 2007 MAROELA
Swing, MAROELA, 2006 (Platinum)
Gerrie Pretorius in Konsert DVD, MAROELA, 2005 (Platinum)
Adio Amoré, MAROELA, 2005 (Platinum)
Annemarie CD, Hei Jy CD, Bonus CD (3 CD-stel), MAROELA
